حبكيات ... ( طوبه في الخطوبه ) ...
الشاعر : محمود الحبكي
أبوى ( أمِّي )
ﻻ سطَّر في المدارس إسمه أو فصلُه
عشان الدنيا بتساومه وبتفاصله
وبين الكسر في مفاصله
أخد مَنحَي ...
بعيد ع القرض والمِنحه
ﻻ يلحس باﻷماني إيديه
وﻻ يقول لو ظروف سانحه
ﻻ يتمارض ...
ﻻ يتحجَّج بشئ عارض
وروحه بتتزنق جوَّاه
إذا أنشد ( ياسين ) بدموعه ( للفارض)
أبوى اﻷرض ما تشيله إذا إتربَّع
ويكتب إسمه في ( الجو ) اللي بيعبِّيه
ما مولود بيه
ولما بيحسب اﻷحوال ما يتسربع
أبوى جلابيتُه رغم شقاه ما تتعفَّر
وعَرَقُه تحت باطه عمره ما يصفَّر
ولما إستقوت ( البدله ) إنسحب وكأنه متشفَّر
علي كد المحبَّه يا أبوى
رميت ( الدبله ) كيف طوبه
بلا خطوبه ...
ونخِّيت شيلته علي ضهرى
يغنِّي ...
وقلبي بيصفَّر
ليست هناك تعليقات:
إرسال تعليق